V Дүниежүзілік көшпенділер ойындарының тизері жарияланды

Ұлы дала дүбірі. Астанада өтетін 5-ші Дүниежүзілік көшпенділер ойындарының тизері жарияланды. Бейнеролик Түркияның Ыстамбұл қаласында өткен басқосуда бекітілді. Шараны әлемдік этноспорт конфедерациясы ұйымдастырды. Дүбірлі дода, қыркүйектің 8-і мен 14-і аралығында өтеді. Көшпенділер ойындарына 100-ден астам мемлекеттен 4 мыңға жуық спортшы қатыспақ. Елордаға 100 мыңнан астам турист тартылады деген болжам бар. Ойынның ашылу салтанаты «Астана-Арена» стадионында, жабылуы «Қазанат» ипподромында өтеді.

Қаракөз Тұрмағанбет