Қазақстандықтар Сейшель аралдарына визасыз бара алады

Қазір қарулы қақтығыс болып жатқан Йемен аймағында бір де бір қазақстандық жоқ. Мұны елдің сыртқы істер министрлігі мәлімдеді. Айбек Смадияров қазақстандықтар үшін тағы бір елмен визасыз режим енгізілгенін жеткізді. Енді Сейшель аралдарына 30 күнге дейін емін-еркін саяхаттауға болады. Атақты Мадагаскар аралының солтүстік-шығысындағы мемлекетте еңбек етіп, білім алам десеңіз қосымша виза алу міндеттелген. Сондай-ақ, Кореядағы отандастарымызға қатысты ақпаратпен бөлісті. Айтуынша заңды түрде жүрген 20 мыңнан аса қазақстандық түрлі салада еңбек етіп жатыр.

Айбек Смадияров, ҚР Сыртқы істер министрлігінің ресми өкілі:

Егерде қандай да бір Қазақстанның азаматы Кореяның аумағына барып жұмыс істеймін десе еш кедергі жоқ. Тек екі ел арасындағы визасыз режимді қолданып, пайдаланып екі мемлекетті де алдап, екі үкіметті де алдап барып өздері заңсыз қалып отыр. Бізде бірнеше дәрігер бар ол жақта, жоғары білімді мамандар, IT-мамандары жұмыс істеп жатыр, Кореяның аумағында.

Тәуірбек Бозекен