Қызылорда вокзал ғимараты жаңғыртылды

Қызылордада ғасырдан астам тарихы бар вокзал ғимараты жаңғыртудан өтті. Аймаққа жұмыс сапарымен келген Мәжіліс депутаты Мұрат Ергешбаев теміржол нысанында болып, жолаушылармен тілдесті.

1905 жылы салынған вокзал ғимаратына былтыр күрделі жөндеу жұмыстары жүргізілген. Бүгінде сырт келбеті жаңарып, жолаушыларға қолайлы жағдай жасалды. Қазір теміржол аумағына тас төсеніштер салынып жатыр. Бұл жұмыстарға бюджеттен қаржы қаралмаған. Бәрі кәсіпкерлердің демеушілігі есебінен жүргізіліп отыр.

Мұрат Ергешбаев, ҚР Парламенті Мәжілісінің депутаты:

Бұл енді біраз жылдардан бері өзі осындай күрделі жөндеуге сұранып жатқан еді. Теміржолдың айналасы халыққа ең қолайлы болуы керек, жету болу керек, машина тұрақтары барлығы қалпына келтірілгені барлығы осы бізді қуантады.

Әділбек Серікұлы