Жылдың үздік спортшылары марапатталды

Жылдың үздік спортшылары мен сала мамандары белгілі болды. Туризм және спорт министрлігінің ұйымдастыруымен өткен шарада ел абыройын асқақтатып, жеңіс тұғырынан көрінгендер және оған үлес қосқан азаматтар 18 аталым бойынша марапатталды. Олардың әрқайсысы дипломмен бірге, миллион теңгеге ие болды.

Ведомство басшысы Ермек Маржықпаевтың айтуынша, жыл табысты болды. Ұлттық құрама спортшылары жыл басынан бері 1 400 халықаралық жарысқа қатысып, 864 медаль жеңіп алған. Құрмет көрсетілгендердің қатарында еркін күрестен тұңғыш қазақтан шыққан әлем чемпионы Ризабек Айтмұқан, каратэден ерсекетер арасында тұңғыш әлем чемпионы Мөлдір Жаңбырбай секілді спорт саңылақтары бар.