Нью-Йоркте өткен фестивальде «Әлқисса» ансамблі бас жүлдені жеңіп алды

Нью-Йоркте өткен «Жас таланттар халықаралық өнер фестивалінде» «Әлқисса» домбырашылар ансамблі мен жеке домбырашы Нұрлан Мұратұлы бас жүлдені жеңіп алды. Әлемнің түкпір-түкпірінен дарынды орындаушылардың басын қосатын бұл фестиваль 2018 жылдан бері өтiп келеді. Конкурсқа АҚШ және Қытай өкілдері де қатысты. Лауреаттардың, оның ішінде қазақстандық жеңімпаздардың қорытынды концерті 16 желтоқсанда Вашингтонда өтті.

Қанат Сәден, «Әлқисса» домбыра студиясының директоры:

Еліміздің тәуелсіздігінің арқасында қазақтың домбырасы бүкіл әлемге шарықтап жатыр, соның бір айғағы ретінде «Әлқисса» домбыра студиясы келіп, Американың төрінде қазақтың домбырасын күмбірлетіп, балалардың орындауында халыққа деген өздерінің өнерлерін танытып жатыр. Біз оған өте қуаныштымыз.

Жалғас Сәдібекұлы