Жаңалықтарды Telegram арнамыздан оқыңыз!Талдықорғанда әйгілі журналист Бейсен Құранбекті еске алуға арналған шағын футбол турнирі басталды. Шара бұқаралық ақпарат құралдары өкілдері арасында биыл үшінші рет ұйымдастырылып отыр. Жарысқа бұл жолы 8 команда қатысып жатыр. Футбол турнирі екі күнге созылады.
Есболат Айдабосын, турнирді ұйымдастырушы:
Тірі болғанда 52 жасқа толатын еді. Ол кісі дүние салғаннан кейін біз еске алу мақсатында осындай іс-шараны бастаған болатынбыз. СКЛ Жыл сайын турнирлердің деңгейі де өсіп келе жатыр. Ойыншылардың да деңгейі негізі өсіп келе жатыр. Кәдімгідей осы футзалға қазақ журналистері төселіп қалды деп айтсақ болады осындай турнирлардың арқасында.
Гүлмира Садырқызы, Бейсен Құранбектің жары:
Жер-жерден Бейсекеңді құрметтеп, журналистер жиналып осы ойынға қатысып жатыр. Бірінші кезекте осы жарысты ұйымдастырушыларға рақметімді айтқам келеді. СКЛ Бейсекеңнің өмірі өскелең ұрпаққа үлгі болды. Қазір Бейсекеңе қарап бой түзеп, әріптестері, шәкірттері өсіп келе жатыр. Соның барлығы қуантарлық жағдай.
Қуаныш Қанатұлы
