Жаңалықтарды Telegram арнамыздан оқыңыз!Костенко атындағы шахтада болған апатты тергеу жөніндегі үкіметтік комиссия жұмысын аяқтады. Оның нәтижесі бойынша 46 кеншінің өмірін жалмаған апатқа жүз пайыз жұмыс беруші кінәлі деп танылды. Зерттеу жүргізген мамандар, газ төменгі төсемнен бөлінген, ал оның жарылуына жұмыс барысында соққы мен үйкеліс кезіндегі от ұшқыны себеп болған деп отыр. Бұдан өзге, комиссия өнерКәсіптік қауіпсіздік талаптарының бұзылғандығындығын жеткізді. Айталық, жұмыс толыққанды ұйымдастырылмаған және қауіпті өндірістік факторларға қажетті бақылау болмаған. Қауіпсіздікке атүсті қараған 19 жауапты тұлға анықталды. Еңбек заңнамасына сәйкес, тергеу материалдары құқық қорғау органдарына берілді.
Руслан Нұрланұлы
