Бас прокуратура: 7 адам тергеу изоляторына қамалды

Бас прокуратура Костенко шахтасындағы апатқа қатысты тергеудің алдын ала нәтижелерін жариялады. Оған сай, жарылысқа метанның тұтануы себеп болған. Әрі тергеу барысында шахтаны пайдалану кезінде өндірістік және өрт қауіпсіздігі, сондай-ақ еңбекті қорғау ережелерінің сақталмағандығы анықталған. Қазір қызметіне жауапсыз қараған 7 адам тергеу изоляторында жатыр. Олар негізінен шахта басшылығы. Еске салайық, Костенко шахтасында қазан айында болған апат кезінде 252 адам жер астында қалып қойған еді. Оның 206-сы құтқарылып, 46-сы көз жұмды.

Досжан Маратұлы