Оқушылар қашықтан оқиды

Бүгін еліміздің бірнеше өңірінде үскірік аяз. Ауа температурасының күрт төмендеуіне байланысты оқушылар қашықтан оқуға жіберілді. Мәселен Астанада -27 градус. Елорданың бірінші ауысымдағы тоғызыншы сыныпқа дейінгі оқушылары онлайн оқиды. Павлодар, Қостанай, Абай, Ақмола облыстарында да осындай ахуал. Ал Солтүстік Қазақстан облысында қатты аязға байланысты барлық мектептердің оқушылары онлайн форматқа ауыстырылды. Синоптиктердің мәліметінше, бүгін бұл өңірдің кей аудандарында ауа температурасы 38 градусқа дейін төмендейді. 14 бағыт бойынша қоғамдық және дизельдік отынмен жүретін көліктер үшін жол қозғалысы шектелді.

Самал Қабышева