Хостелде қаза тапқандардың тізіміне енген жігіт тірі болып шықты

Алматыдағы хостелде қаза тапқандардың тізімінде көрсетілген Түркістан облысының тұрғыны тірі болып шықты. Сарыағаш ауданы, Дербісек ауылында тұратын 20 жастағы азамат Рамазан Әмірәлі қазір ата-анасының жанында. Шымкенттегі медреселердің бірінде оқитын ол екі апта бұрын Алматыға барып, сол хостелде бір түн түнегенін айтады. Денсаулығын тексертуге барған Рамазан ертесіне ауылына оралыпты. Алайда қайтыс болғандардың тізіміне қалай еніп кеткенін өзі де түсінбей отыр. Өрттен кейін оның туыстарына көңіл айтып хабарласқандар көп болған көрінеді.

Рамазан Әмірәлі, Дербісек ауылының тұрғыны:

Арада 12-13 күн өткеннен кейін оқиғаға менің тізімім шығып тұр да. Мен бір-ақ күн қонғам. Түнде барып, азанда шығып кеткем ол жерден. Бірінші естіген кезде өзің қорқасың ғой. Құдай сақтап қалыпты дейсің. Біз кетіп қалғаннан кейін болыпты дейсің. Бүкіл туған туысқандардың барлығы үйге көңіл айтып, уже звондап жатқан еді.

Айнұр Әбілқасымқызы