Көлік дөңгелегін ауыстырмаған жүргізушілер айыппұл арқалайды

Жазғы дөңгелегін ауыстырмаған жүргізушілерге айыппұл салынады. Яғни, көлік тізгіндегендер 1 желтоқсанға дейін темір тұлпарын қысқа дайындауы керек. Олай болмаған жағдайда полиция қызметкерлері көлікті тоқтатып, дөңгелегін ауыстырғанға дейін мемлекеттік нөмірді алып қоюға құқылы,- дейді Алматы қалалық полиция департаменті.

Ең төменгі айыппұл мөлшері 5 айлық есептік көрсеткішке, яғни 17 250 теңге. Егер дәл осы жағдай бір жылда қайталанса, екі есе айыппұл төлейді.