10 жыл террористік топта болған ер адам елге жеткізілді

10 жыл бойы Сирияда террористік топтар құрамында болған Қазақстан азаматы елге жеткізілді. Ол өз еркімен лаңкестіктен бас тартып, Түркияға өткен. Отанына оралу үшін билік өкілдеріне берілген. Ол өзінің бұл әрекетімен содырларға террористік аймақтарда болудың келешегі жоқ екенін түсіндіргісі келген.Қазақстанға келгеннен кейін ер адам қамауға алынды. Оған қатысты террористік топ құру, оған басшылық ету және оның әрекетіне қатысу бойынша қылмыстық іс тергеп-тексерілуде. Ерікті түрде берілу фактісі тергеу барысында ескеріледі.

Самал ҚАБЫШЕВА