Жаңалықтарды Telegram арнамыздан оқыңыз!
Пара спортшылар бүгін олжаға кенелді. Бір күннің ішінде 13 медаль жеңіп алды. Қытайда өтіп жатқан Пара Азия ойындарына ең көп медальді парадзюдошылар салды: екі алтын, бір күміс, үш қола.
Ерлер арасында 73 келі салмақта J1 санатында Ерғали Шамей финалда командаласы Асылан Нұрдәулетовті жеңді. Дәл осы салмақта J2 санатында Олжас Оразалиұлы қарсылас шақ келтірмей, елімізге төртінші алтын медальді сыйлады. 100 метрге брасс әдісімен жүзуде Нұрдәулет Жұмағали да алдына жан салмай мәреге бірінші болып келіп, чемпион атанды. Одан бөлек, бүгін қоржынға тағы 4 күміс, 6 қола түсті.
Асылбек Данияр
