Елордада Республика күніне орай көрме ашылды

Елордада Республика күніне орай ұлттық мерекенің тарихи маңызын айшықтайтын көрме ашылды. «Бетбұрыс межесі» деп аталатын экспозиция Қазақстан Республикасының Президенттік орталығында көрермен назарына ұсынылып отыр. Көрме 8 түрлі бөлімнен тұрады. Егемен еліміздің территориялық тұтастығын айқындайтын жәдігерлермен қоса, мемлекеттік рәміздер қойылған. Экологиялық қауіпсіздік сынды жаһандық бастамалар мен жетістіктерден сыр шертетін 60-тан астам мұрағаттық құжаттар ұсынылған.

Ботагөз Қайыпова, Президенттік орталық директорының орынбасары:

Бұл, біріншіден, егемендік туралы декларацияның өзі. Сыртқы шекарамызды бекіту, қарулы күштерімізді қалыптастыру, сыртқы саяси сахнаға жас мемлекетті жария ету. Бұның бәрі әрқайсысы өзінің жеке орнын алатын біздің егемендік тарихымыздың құнды деректері.

Қаракөз Кенжебаева