Жаңалықтарды Telegram арнамыздан оқыңыз!Өскеменде садақ ату орталығы ашылды. Жастарды мергендікке үйрететін кәсіби мектеп еліміздің шығысында алғаш рет ашылып отыр. Дегенмен садақ ату үйірмесіне қатысам деген адамға еш шектеу жоқ. Бастапқыда әр адам жеке дайындалады. Ал садақ атуды тез меңгерген оқушылар іріктеліп жас ерекшеліктеріне қарай, команда жасақталады. Оларды кәсіби мамандар жаттықтырып, жарыстарға апарады.
Ажар Төлеуханова, садақ ату орталығының жетекшісі:
2024 жылғы балалар біріншілігін Өскемен қаласында өткізетін болып бекітілді. Мықты мерген балалар өсіру – менің мақсатым.
Орталық ашылған соң садақ пен жамбы атудан ересектер арасында облыс біріншілігі өтті. Оған әр ауданнан 8 команда бас-аяғы 80 адам қатысты. Жарысқа жеке кәсіпкерлер демеушілік жасады. Сайыс жеңімпаздарына қаржылай сыйлық табысталды.
Олжас Керейхан
