Атырауда табиғатқа залал келтіргені үшін айыппұл салынды

Атырауда мұнай қалдықтарын жинап, табиғатқа орасан залал келтірген «Жылыой Болашақ» ЖШС-іне 923 млн теңге айыппұл салынды. Прокурорлар тексеріс кезінде кәсіпорынның рұқсат құжаттарынсыз мұнай шламдарын жинағанын анықтады. Айналасы бір жылдың ішінде қоршаған ортаға 477 тонна қауіпті қалдық тасталған.

Еркебұлан Ермеков, облыстық мамандандырылған табиғат қорғау прокуратурасының прокуроры:

Аталған серіктестікке қатысты әкімшілік құқықбұзушылық туралы хаттама толтырылып, Атырау қаласының мамандандырылған әкімшілік құқық бұзушылықтар жөніндегі сотының қаулысымен аталған субъектіге 923 млн теңге көлемінде әкімшілік айыппұл салынды.

Жандос Темірғали