Алматыдағы 1-сынып оқушысын қорлау ісі бойынша күдікті әлі анықталмады

Алматыдағы халықаралық мектепте 1-сынып оқушысын қорлау ісі бойынша күдікті әлі анықталмаған. Мұны Ішкі істер министрінің бірінші орынбасары Марат Қожаев айтты. Бүгінде білім ошағында болған оқиға бойынша, қылмыстық іс тіркелген. Тергеу жүріп жатыр.

Марат Қожаев,  ҚР Ішкі істер министрінің бірінші орынбасары:

Мен тергеу барысы туралы түсініктеме беріп, алдын ала болжам жасай алмаймын. Процестік заң бұған тыйым салады. Сондықтан тергеу нәтижесін күтейік. Әзірге күдіктілер жоқ, қажетті сараптамалар тағайындалды.