Алматыда Атыраудан жарысқа келген 6 жасар бала шатырдан құлап мерт болды

Алматыда Атыраудан жарысқа келген 6 жасар бала шатырдан құлап қаза болды. Полиция қылмыстық істің тіркеліп, тергеудің жүріп жатқанын мәлімдеді. Оқиға өткен жексенбі күні болған. Ал бүгін бүлдіршін жер қойнына тапсырылды. Ғани Мұратбаев атындағы мектептің даярлық сыныбында оқып жүрген Ибрахим Халудулланы білім ордасы жарысқа жіберуге рұқсат бермепті.

Орынтай Биманова, Атырау облыстық білім беру басқармасы басшысының орынбасары:

Мектепке баланың ата-анасы өзі аяғымен келіп, баламды жарысқа жіберейін деп жатырмын деп келген екен. Бірақ мектеп басшылығы міндетті түрде баланы сұраған қалалық білім бөлімінен, осындай жарысқа қатыстыруға деген рұқсат қағазы келген жоқ деп рұқсат етпеген. Мектептің басшысы ата-ананың өзі келіп айтқан, сынып жетекшісі жібермей жатыр деп. Бірақ мектеп рұқсат бермеген.

Әйгерім Ердәулет