Қазақстандықтар шетелге жиі ақша аударатын болған

Қазақстаннан шетелге ақша аударымдары өскен. Бұл туралы Ұлттық банктің айлық есебінде жазылған.

Тамыз айында қазақстандықтар өзге мемлекеттерге 99 млрд теңге ақша аударған. Ал еліміздің екінші деңгейлі банктеріне шетелден түскен қаражат едеуір аз – 22 млрд теңге. Сыртқа кеткен қаражаттардың негізгі үлесі Өзбекстан, Ресей және Түркия елдеріне тиесілі. Сарапшылар мұны осы елден келген еңбек мигранттарының көптігімен байланыстырады.