Басты Жаңалықтар Білім саласындағы жемқорлықты жою: Павлодар облысында жаңа жоба іске асырылады

Білім саласындағы жемқорлықты жою: Павлодар облысында жаңа жоба іске асырылады

20.09.2023 20:00

Павлодар облысында білім саласындағы сыбайлас жемқорлықты түбегейлі жоюдың ұшқыр жобасы іске асырылады. Бағдарламаны еліміздің Сыбайлас жемқорлыққа қарсы іс-қимыл агенттігі жасаған. Жаңашылдығы сол, салаға бөлінген қаржы сандық технология арқылы орталықтан бақыланады. Мұғалімдердің еңбекақысынан бастап, күнделікті қанша сағат сабақ оқытқанына дейін есеп табеліне автоматты түрде жазылып отырады. Жаңа бағдарлама мұғалімдердің нормадан тыс жұмыс істеулеріне де шектеу қоймақ. Яғни, кейбір мұғалімдердің тамыр-таныстықты пайдаланып, оқу сағаттарын белгіленген жүктемеден артық алып, басқа әріптестерін жұмыссыз қалдыруына жол берілмейді. Жалақысын мерзімінен бұрын аламын десе тек 50 пайызы ғана беріледі.

Асхат Жұмағали ҚР Сыбайлас жемқорлыққа қарсы іс-қимыл агенттігінің төрағасы:

Талдықорған қаласында білім бөлімінің есепшісі басқа әріптестерімен ымыраласа небары екі жылдың ішінде 4,5 млрд. теңге қаржыны ұрлап кеткенін білесіздер. Ол жерде ақша жымқырудың тұтас жүйесі қалыптасқан. Жаңа жоба осы білім саласындағы жемқорлықты тамырымен құрту мақсатында ұсынылып отыр.

Болат Аманбаев

Автор

Болат Аманбаев

Бөлісу