Мұнай өнімдерін сыртқа заңсыз алып өтпек болған 800-ге жуық факті анықталды

Жыл басынан бері 90 мың литр жанармай Ресей мен Қырғызстанға заңсыз тасымалданбақ болған. Мамандар оның жолын кесті. Мемлекеттік кірістер комитетінің дерегінше, мұнай өнімдерін сыртқа заңсыз алып өтпек болған 800-ге жуық факті анықталыпты. Мәселен, Еуразия экономикалық одағының кедендік шекарасындағы автомобиль өткізу пункттері арқылы 187 факті әшкере болған. Мемлекет бюджетіне жалпы сомасы 7,3 млн теңге айыппұл өндірілді. Ал Ресей мен Қырғызстанға мемлекеттік шекарада орналасқан автомобиль өткізу пункттері арқылы 612 факті анықталды.  

Самал Қабышева