Жаңалықтарды Telegram арнамыздан оқыңыз!Қазақстан құрамасы тұңғыш рет халықаралық «Euroskills» чемпионатынан жүлделі оралды. Польшада өткен білім бәйгесіне әлемнің 32 елінен 600-ге жуық IT саласында білім алып жүрген студент қатысқан. Отандастарымыз Руслан Юсупов, Андрей Степанюк және Станислав Горецин үздік деп танылды. Олар күміс және қола медальдармен марапатталды. Осы жетістіктің нәтижесінде Қазақстан «Уорлд-Скилс» халықаралық рейтингінде 14-ші орыннан 10-шы сатыға көтерілген. Елдегі бірқатар оқу орны бұл байқауға студенттерді дайындау мақсатында шеберлік орталықтарын ашқан.
Ақзира Қасымова, ҚР Оқу-ағарту министрлігі техникалық және кәсіптік білім департаменті директорының орынбасары:
180 колледж «Жас маман» жобасы бойынша толығымен заманауи құрылғылармен жабдықтаудан өтті. Соның ішінде 212 құзыреттілік орталықтары ашылды. Соның ішінде 13 орталық IT саласына бағытталған.
Қуандық Танабас
