Жаңалықтарды Telegram арнамыздан оқыңыз!Қара теңіз бен Жерорта теңізіндегі дүлей дауыл және су тасқынынан зардап шеккен елдер қиын жағдайға тап болды. Грекияда кейбір курортаттарды су шайған. Скиатос аралында нөсер жауын мен күшті желден туристер арасында танымал әуежай жабылды. Тасқын жүріп, ұшақтар әуе айлағына жақындай алмай жатыр. Полицияның мәліметінше, табиғи апаттан 1 адам қаза тапқан. Хабар-ошарсыз кеткен бірнеше тұрғын іздестіріліп жатыр. Болгарияда да тасқын 2 адамның өмірін қиды. Жүздеген турист қауіпсіз жерге көшірілген.
Бразилия
Ал Бразилияда тропикалық дауыл құрбандарының саны 36-ға жетті. Елдің оңтүстік бөліктерінде үздіксіз нөсер жауып, су тасыған. Табиғи апаттан Рио-Гранд-Сул штаты ең көп зардап шекті. Тасқын күшеюі мүмкін деген үрей бар.
Арай Төлегенқызы
