Жаңалықтарды Telegram арнамыздан оқыңыз!
Президент режиссер Тимур Бекмамбетовті қабылдады. Кинематография саласын дамыту, мамандарды оқыту мен өзге де мәселелерді талқылады. Қасым-Жомарт Тоқаев салаға жаңашылдық енгізуде «Кинематография туралы» заңның рөлі маңызды екенін атап өтті. Әлемдік тәжірибеге сүйене отырып, отандық киноны жаңғырту қажеттігіне баса назар аударды.
Тимур Бекмамбетов, кинорежиссер:
Президентпен өте қызықты тақырыптар төңірегінде пікір алмастық. Креативті индустрияны дамыту, аймақтарда арнайы орталықтар ашу сөз болды. Өңірлердегі дарынды жастарды қолдауымыз қажет. Қазір барлығымыздың өміріміз цифрлық әлеммен байланысты. Бұл туралы ойлау, айту - бүгінгі заманауи өнердің алдында тұрған үлкен міндеттердің бірі.
Дарын Сағитов
