Үндістанда лай көшкінінен 21 адам қаза тапты

Үндістанның солтүстігіндегі Химачал Прадеш штатында лай көшкінінен 21 адам қаза тапты. Тағы 22 тұрғын із-түзсіз жоғалған. Қазір мұнда құтқару операциялары жалғасып жатыр. Апатқа төпелеп жауған жаңбыр себеп болған. «Рейтер» агенттігінің хабарлауынша, таудан көшкен лай- батпақ Шимла қаласында діни шараға жиналған адамдарды басып қалған. Айта кетсек, жыл сайын мұздықтардың еруі мен жауын-шашынның мол түсуінен Үндістан, Пәкістан мен Непал сияқты елдерде су тасып, талай адам опат болады.