АҚШ-та киностудия қызметкерлерінің шеруі жалғасып жатыр

Голливуд киностудияларының қызметкерлерінің ереуілі басталғанына бүгін 100 күн толады. Қарсылық акциясы әлі жалғасып жатыр. Америка жазушылар гильдлиясына кіретін сценаристердің билікке қояр басты талабы – фильм өндірісінде, мәтін жазуда жасанды интеллектті қолдануды тоқтату. Айтуларынша, мұндай технология осы салада жұмыс істеп жүрген талай адамды жұмыссыз қалдырайын деп отыр.

Наразылық акциясына шілденің ортасында актерлар да қосылды. Олар киностудиялармен үшжылдық келісімшартқа қол қоя алмағасын шеруге шыққан.

Эллен Штуцман, Америка жазушылар гильдиясының өкілі:

Біз осылай боларын білдік. 6 апта бойы компаниялармен келіссөз жүргіздік. Бірақ ешкім біздің мәселемізбен айналысқысы келмейтін тәрізді. Біз актерлік, жазушылық сияқты перспективалы мамандықтарды сақтап қалуға күш салып жатырмыз.

Арыстан Рысбек