Сауд Арабияда бейбітшілік орнату мәселесі талқыланды

Сауд Арабиясының Джидда қаласында Украинадағы қарулы қақтығысты тоқтату мәселесі талқыланды. Келіссөздер нақты нәтижемен аяқталмаса да қатысушылар бейбітшілік орнату жолында кеңесуді жалғастыруға уағдаласқан. Конференцияға әлемнің 40-тан астам елінің өкілдері жиналды. Солардың қатарында Қытай, Үндістан, АҚШ, Еуропа одағы бар. Дегенмен, жиынға Ресей дипломаттары қатысқан жоқ.

Айта кетсек, қатысушылар Ресей Украина жерінен әскерін әкетпесе және жауланған территорияларды қайтармаса, Мәскеумен ешқандай бейбіт келісімге қол қоймайтындарын ескертіп отыр.

Арыстан Рысбек