Пәкістанда жарылыстан қаза тапқандар саны 54-ке жетті

Пәкістаннның Ауғанстанмен шекаралас Баджур ауданында алапат жарылыс болды. Құрбандар саны 54-ке жетті. Қазір оларды жерлеу рәсімдері өтіп жатыр. Жараланғандар саны 200-ден кем емес. Бомбаны жанкешті-лаңкес іске қосқан. Бұл шабуыл тәліптерге жақтас исламдық партияның сайлауалды митингі кезінде жасалды. Әзірге қастандық үшін ешқандай ұйым мойнына жауапкершілік алған жоқ. Дегенмен, жергілікті полицияның мәліметінше, бомбаны «Даиш» қарулы тобының жергілікті бөлімшесінің содырлары жарса керек. Пәкістан қауіпсіздік күштері болса, қантөгісті пәкістандық «Талибаннан» бөлініп кеткен қарулы топ ұйымдастырды деп есептейді. 

Арыстан Рысбек