Жаңалықтарды Telegram арнамыздан оқыңыз!Еуразиялық экономикалық одақ аясында маркетплейстер шетелдік тауарлар үшін 20 пайыз қосымша құн салығын төлеуге міндеттелуі мүмкін. Бұл ұсыныстар қазір комиссия мүшелерінің талқылауында. Маркетплейстер ЕАЭО-ға кірмейтін үшінші елдердің сатушыларының операциялары бойынша бюджетке қосылған құн салығын есептеуге, ұстап қалуға және аударуға тиіс.
Ал мамандар жаңа ережелерді енгізу трансшекаралық саудаға кері әсер етіп, тауардың бағасының өсуіне сеп болады дейді. Әсіресе, Қытайдан жеткізілетін тауарлардың құны шарықтап кетуі мүмкін.
Иа Малкина, ЕЭК ресми өкілі:
Шетелдік сатушылар электронды платформалар арқылы тұрғындарға салық төлемей-ақ тауарларды сатуда. Бұл жергілікті сатушыларға қатысты бәсекелестікті төмендететіні сөзсіз. ЕАЭО мен үшінші елдердің сатушылары арасында тең бәсекелестік жағдай жасау орынды деп санаймыз. Сонымен қатар, бұл мәселе мүше мемлекеттермен және бизнес өкілдерімен пысықтауды қажет етеді.
Индира Бегайдар
