Жаңалықтарды Telegram арнамыздан оқыңыз!Павлодар облысы, Железинка ауданында 40-қа тарта ірі қараның неліктен қырылғаны анықталды. Естеріңізге сала кетейік, осыдан 10 күн бұрын Башмачное ауылындағы шаруа қожалығына тиесілі сауын сиырлар бір мезгілде топалаң асқан болатын. Мәліметке қарағанда, жануарлар суаттан шығып бірінен соң бірі сұлап түскен. Ал сәл уақыт бұрын осы ауылдағы картоп егілген алқаптың маңайында жайылған екен. Ветеринарлық дәрігерлер өлген малдан дереу сынама алып, сараптамаға жіберді. Топырақ пен судың да құрамы тексерілді.
Асылтас Абылайұлы, Ветеринариялық басқарма басшысының орынбасары:
Топырақ пен судан алынған сынамадан пестицидтардың қалдықтары анықталды. Ол - Дихлорфос», «Диметоат», «Паратионметил», «Хлорпирифос». Осы 4 препарад жоғары деңгейде анықталды. Өсімдіктерді әр түрлі жәндіктерден қорғау үшін қолданылады.
Болат Аманбаев
