Жаңалықтарды Telegram арнамыздан оқыңыз!Ертіс өзенінің Павлодар қаласына кіре беріс сағасында судың түсі өзгерді. Көк түске боялғанын жағажайға шомылуға келген жергілікті тұрғындар көріп, әлеуметтік желіге салған. Артынша тексеру жүргізген экологтар мен санитарлық-эпидемиологиялық бақылау қызметінің мамандары мұның нақты себебін айта алмады.
Бірақ судың түсі табиғи қалпынан бөлек екендігін растап отыр. Қазіргі уақытта судың химиялық құрамы бойынша мәселе жоқ. Ал бактериологиялық сынама екі күннен соң белгілі болады. Жағажайда шомылуға уақытша тиым салынды.
Мағзұм Қоқымбаев, Экология департаменті басшысының орынбасары:
Химиялық ауыр металдардың тұздары анықталмаған суда. Бірінші қорқыныш сол болды. Бүгін суда жүрген балықтар және жануарлардың ауырғаны немесе өлгені анықталған жоқ.
Болат Аманбаев
