Қарағанды облысы Шет ауданындағы табиғи өрттің аумағы 900 гектарға жуықтады

Қарағанды облысы Шет ауданындағы табиғи өрттің аумағы 900 гектарға жуықтады. Қызыл жалынмен күреске 168 адам мен 34 техника жұмылдырылған. Министрлік мәліметінше, қазір жағдай тұрақтанып, жұмыстар бір ошақта жүргізіліп жатыр. Ашық жану ошағы жоқ. Аэровизуалды зерттеу деректеріне сай, алдын ала болжам бойынша өрттің ауданы 870 га құрайды. Оның ішінде Ақтоғай орман және жануарлар дүниесін қорғау жөніндегі шаруашылығының 116,143 га жері өртенген. 

Серік Селеубайұлы