С.Күдебаев он жылға сотталды

Серік Күдебаев елден қашқаны үшін қосымша жазаға кесілді. Алматы облысының Кеген аудандық соты бұрынғы генералды Қазақстанның мемлекеттік шекарасын заңсыз кесіп өткені үшін жарты жылға бас бостандығынан айырды. Осылайша, сот шешімі негізінде жалпы мерзімі 10 жыл 3 айға қамалды. Сондай-ақ, ол құқық қорғау органдарында, мемлекеттік қызметте, жергілікті өзін-өзі басқару органдарында 10 жыл мерзімге қызмет атқару құқығынан айырылды. Серік Күдебаев жазасын орташа қауіпсіздік қылмыстық-атқару жүйесі мекемесінде өтейді. Естеріңізге сала кетейік, Алматы облыстық полиция департаментінің бұрынғы басшысы қаңтар оқиғасы бойынша күдікті деп танылған еді.

Серік Селеубайұлы