Жаңалықтарды Telegram арнамыздан оқыңыз!
Елдің бірнеше өңірінде күрт көбейген шегірткемен күресті Үкімет қолға алды. Әсіресе, Қостанай және Ақтөбе облыстарында зиянкестің екі түрі кең таралған. Олар: италиялық прус және азиялық шегіртке. Облыс әкімдері орынбасарларының басшылығымен жедел штабтар құрылып, шегірткелерді жаппай жою жұмыстары басталмақ. Препараттардың қажетті көлемі жеткілікті. Химиялық өңдеулерді жүргізу үшін арнайы техникалардан бөлек, жеңіл авиация кемесі мен ұшақтар жұмылдырылды. Жағдай Үкімет бақылауында. Ауыл шаруашылығы министрі мен орынбасарлары өңірлерге арнайы барып, қабылданып жатқан шараларды қадағалап жүр.
Асима Нұрбайқызы
