Жаңалықтарды Telegram арнамыздан оқыңыз!
Атырауда көмірқышқыл газын нормадан артық шығарған компанияға 7 млрд теңгеден аса айыппұл салынды. Мамандандырылған табиғат қорғау прокуратурасының талабы негізінде экология департаменті «Karabatan Utility Solutions» серіктестігіне қатысты жоспардан тыс тексеру жүргізген. Нәтижесінде 2021 жылғы парниктік газдар шығындыларын түгендеу жөніндегі есептің нәтижесімен көмірқышқыл газының шығарындысы белгіленген шектен 20 мың тоннадан асқаны анықталды. Ауаға тараған зиянды қалдық көлемі 743105 тоннаны құраған. Сот қаулысымен кәсіпорынға айыппұл түріндегі әкімшілік жаза қолданылды.
Жалпы бүгінде өңірде табиғатты ластаушылардан 104 млн теңге айыппұл өндірілді.
Жандос Темірғали
