Жаңалықтарды Telegram арнамыздан оқыңыз!Үндістан пен Пәкістанға «Бипарджой» циклоны соққы берді. Екі елде 180 мыңнан аса тұрғын қауіпсіз жерге көшірілген. Үндістанның Гуджарат штатында дүлей дауыл ағаштар мен электр бағаналарын құлатып, үй шатырларын ұшырып әкетті. Өңірде нөсер жауын дамылсыз құйып тұр. Желдің жылдамдығы сағатына 105 шақырымға жеткен. Табиғи апаттан ешкім зардап шеккен жоқ. Бұған дейін жергілікті билік халықты жаппай қауіпсіз жерге көшіріп үлгерген.
Арай Төлегенқызы
