Оралда сән фестивалі өтті

Оралда  «Aqjaiyq Fashion Festival» II халықаралық сән фестивалі өтті. Отандық дизайнерлерді қолдау мақсатындағы іс-шара қолөнер шеберлерінің көрмесімен ашылды. Мұндағы зергерлік әшекей бұйымдар, қой жүнінен жасалған киім-кешек, түрлі аксесуарлар көздің жауын алады.

Фестиваль «Тақсай ханшайымы» республикалық дизайнерлер байқауына ұласты. 30-ға жуық маман облыстағы Тақсай қорымынан табылған алтын әйел бейнесіндегі сән үлгілерін көрерменге ұсынды. Қазылар құрамында болған археолог Яна Лұқпанова да дизайнер туындыларының ханшайым образына сәйкестігін бағалады. Танымал шеберлердің жеке топтамалары да көрермен назарына ұсынылды.

Маржан Маршалл, дизайнер: 

Мен биыл байқауға екінші рет қатысып отырмын. «Тақсай ханшайымы» бейнесіне мақпал, жібек, зығыр маталарын қолдандым. Бас киімін түпнұсқаға жақын етіп жасадым. Оңай болған жоқ. Елімізде жылдан-жылға дизайнерлер көбейіп, кәсібіміз дамып келеді. 

Ардақ Мұратқызы