Жаңалықтарды Telegram арнамыздан оқыңыз!Ресейдің Орынбор облысы, Жаңаталап ауылының тұрғындары соғыста қаза тапқан жауынгерлердің ерлігін ұмытпау үшін арнайы мемориал тақта ашты. Екінші дүниежүзілік соғысқа бұл ауылдан 400-ден астам сарбаз аттанған. Олардың басым бөлігі қазақтар. Ескерткіш тақтаға 233 жауынгердің есімі жазылған. Жаңаталаптағы мектеп оқушылары мен мұғалімдері әскери комисариатқа барып, ерлікпен қаза тапқандарды анықтады. Іздеу жұмыстары әлі де жалғасуда.
Марсель Дияров, Жаңаталап орта мектебінің директоры:
Шамамен 7 жылдай іздеу жұмыстарын жүргіздік. Қорғаныс министрлігінің орталық мұрағатына да жүгіндік. Жауынгерлердің қайда жерленгені, қайда соғысқаны туралы ақпараттарды анықтадық. Осылайша жүйелі жұмыстың нәтижесінде мемориалды аштық.
Индира Бегайдар
