Ақмола облысында 62 автокөлік заңсыз тіркелген

Ақмола облысында шетелден әкелінген 62 автокөлікті заңсыз тіркеу фактісі анықталды. Полицейлердің мәліметінше, күдіктілер ел аумағына кіргізілген темір тұлпарларға жалған құжат жасап, мемлекеттік нөмір тағып отырған. Бүгінде аталған іске қатысы бар деген 1993 жылғы ер адам күдікті ретінде ұсталды. Келтірілген шығын көлемі 500 миллион теңге. Қазір осы іске қатысты қылмыстық іс қозғалып, сотқа дейінгі тергеу жұмыстары жүріп жатыр. 

Ұмсындық Наурызбаева