Жаңалықтарды Telegram арнамыздан оқыңыз!Қарағандының Сұрыптау станциясы жұмысшылар елдімекенінде түнде магистральды су құбыры жарылып, тұрғындар сусыз қалды. Сумен жабдықтаушы компанияның мәлімдеуінше, жер астындағы диаметрі 500 милиметрлік құбырдан ақау шыққан. Қазір оны арнайы техника көмегімен қазып алу жұмыстары басталып кетті. Кешке дейін жарылған құбыр ауыстырылады. Ал тұрғындарға уақытша су тасымалданады. Бірінші кезекте мектептер мен әлеуметтік нысандар тіршілік нәрімен қамтамасыз етіледі.
Руслан Нұрланұлы
