Аргентинада мыңдаған адам шеруге шықты

Аргентина астанасы Буэнос-Айресте мыңдаған жұмысшы мен түрлі ұйымдардың өкілдері көшеге шығып, аштыққа, жұмыссыздыққа, қымбатшылыққа наразылық білдірді. Жағдайларының нашарлағанына шағымдану үшін демонстранттар Әлеуметтік даму министрлігіне келді.

Сәуірде Аргентинада инфляция деңгейі 109, ал орталық банктің пайыздық мөлшерлемесі 97 пайызға жетті. Соның салдарынан мұнда қазір әрбір төрт тұрғынның біреуі кедейшілікке ұшырап отыр.

Аргентинадағы экономикалық ахуалды өткен жылы басталған құрғақшылық қиындатып жіберді. Одан соя, жүгері және бидай экспортына нұқсан келіп, шетелдік валюта қоры сарқылып, үкіметтің ұлттық ақшаны нығайту әрекеттері оңтайлы нәтиже бермей отыр.

Арыстан Рысбек