Жаңалықтарды Telegram арнамыздан оқыңыз!Беларусь президенті Александр Лукашенко мамырдың 9-да Мәскеуде Жеңіс парадынан бері халық алдына шыққан жоқ. Жексенбі күні Минскте өткен мемлекеттік ту салтанатына да қатыспады. Оның жолдауын премьер-министр Роман Головченко оқыды. Осыған байланысты «ардагер саясаткер ауырып қалды» деген болжам айтылып отыр. Кремльдің баспасөз хатшысы Дмитрий Песков бұл мәселеде Беларусь үкіметінің ресми мәлімдемесіне сүйенуге шақырды. Алайда 68 жастағы Лукашенконың кеңсесі президенттің жағдайына қатысты әзірге ешқандай түсініктеме бермей отыр.
Арыстан Рысбек
