Президент экология мәселелері бойынша тапсырмалар берді

Президент Қауіпсіздік Кеңесінің отырысын өткізді. Жиында экология және су қауіпсіздігі мәселелері қарастырылды. Мемлекет басшысының сөзінше, кеңес кезеңінен келе жатқан көптеген өндіріс орны, көмір жағатын электр станциялары мен қазандықтар экологиялық ахуалдың нашарлауына әкеп соқтырды. Сол себепті, Үкіметке ұлттық экологиялық стандарттарды әлемдік деңгейге сәйкестендіру, өндіріс орындарының зиянын азайту, тұрмыстық қалдықтарды қайта өңдеу жөнінде бірқатар тапсырма берді. Жиын барысында, су қауіпсіздігі бойынша қауіп-қатер деңгейінің артып келе жатқаны айтылды. Қасым-Жомарт Тоқаев агро салада суды үнемді пайдалану қажеттігіне тоқталды. Үкіметке осы саладағы ғылыми және кадрлық әлеуетті күшейту тапсырылды.

Шерхан Жамбылұлы