Елде конструктор-автокөліктерді заңдастыруға рұқсат берілді

Енді конструктор-көліктерді де заңдастыруға болады. Үкіметтің арнайы қаулысы шықты. Мұндай көлік құралдарын бастапқы тіркеуге алым мөлшерлемесі – 200 мың теңге. Тіркелу үшін ішкі істер органы берген тексеріп-қарау актісі мен техникалық диагностикалық карта болуы шарт. Автокөлікті заңдастыру өтінішін Еgov қызметтері мен екінші деңгейлі банктердің мобильді қосымшасы арқылы беруге болады. Елге қосалқы бөлшек ретінде әкелінген және кедендік тазартудан өтпеген көліктердің меншік құқығын өзгертуге тыйым салынған. Олар тек Қазақстан аумағында пайдаланылады. Акция басталғалы Республикада 107 мыңнан аса көлік заңдастырылды. Елде 14 мыңға жуық конструктор-көлік анықталған. 

Серік Селеубай