Жаңалықтарды Telegram арнамыздан оқыңыз!Сербия астанасы Белградта мектепте оқ атқан күдікті тұтқындалды. Елдің ішкі істер министрлігінің мәлімдеуінше, 14 жастағы жасөспірім полиция бөлімшесіне жеткізілді. Ол бүгін таңертең өз сыныбына оқ жаудырып, 8 оқушы мен күзетшіні мерт қылған. Тағы алты бала мен мұғалім жараланып ауруханаға жеткізілді. Қазір дәрігерлер ауыр халдегі ұстазды құтқару үшін күресіп жатыр.
Жетінші сынып оқушысының неліктен мектепті қанға бөктіргені белгісіз. Қазір тергеу жүріп жатыр.
Сербияда мұндай оқиғалар сирек болады. Дегенмен, өткен ғасырдың 90-шы жылдарындағы тәртіпсіздіктер мен соғыстардан кейін тұрғындардың қолында жүздеген мың заңсыз қару қалған.
Арыстан Рысбек
