Көкшетауда 60 отбасы баспаналы болды

Көкшетау қаласында талай жылдан бері үй кезегінде тұрған 60 отбасы баспаналы болды. Жаңа пәтерге қоныстанғандардың қатарында көпбалалы аналар, зейнеткерлер мен Ауған соғысының ардагерлері бар. Бүгінде облыс орталығында кезекте тұрған тұрғындар үшін 8 тұрғын үй салынып жатыр. Соның екеуі ел игілігіне берілген. Ал қалған 6 баспананың құрылысы жыл соңына дейін аяқталады, - дейді жергілікті билік. Осының арқасында биыл 400-ге жуық азаматқа пәтер кілті табысталмақ. Жалпы қазіргі уақытта Ақмола облысында 20 мыңнан астам адам баспана кезегінде тұр. Оның 8 мыңы - Көкшетау қаласының тұрғындары.

Өлмес Молдағалиева, қала тұрғыны:

Пәтер кезегінде 20 жылға жуық уақыт тұрдым. Өзім бір бөлмелі үйге өтініш бергенмін. Сол пәтер, міне, бүгін тиіп, бұйырып отыр. Өте ризамын.

Ұмсындық Наурызбаева