Көкшетауда жалғыз өзі 13 баланы тәрбиелеп отырған батыр ана тұрады

Көкшетау қаласында жалғыз өзі он үш баланы тәрбиелеп отырған батыр ана тұрады. Ол кезінде жұбайымен бірге әртүрлі ұлттан қамқоршысыз қалған жеті бүлдіршінді асырап алып, бауырына басқан. Кейін шаңырақтың отағасы ауыр науқасқа шалдығып, дүниеден өткен. Әу бастан-ақ көпбалалы жанұя болуды армандаған абзал ана отбасының қамы үшін аянбай еңбек етіп жүр. Қазіргі уақытта татар, орыс, украин балалары тату-тәтті бір шаңырақтың астында өмір сүріп жатыр. Үйдің үлкендері үй шаруасына көмектесіп, өзінен кейінгілеріне қамқор болса, кішілері аға-әпкелерін құрмет тұтады.

Құралай Жұмабекова, көпбалалы ана:

Бәріміз тату-тәтті тұрып, салт-дәстүрлердің барлығын сақтап, бір-бірімізге көрсетеміз. Соның бәрін ұмытпау үшін. Балаларға бәрін айтып отырамын. Үйдің ұйытқысы осы балалар. Жамандық көрмесін.