Қытай азаматы қазақстандықтардан заңсыз ақша жинап келген

Қытай азаматы елімізде қаржылық пирамида құрып, халықтан заңсыз ақша жинап келген. Қаржы мониторингі агеттігінің хабарлауынша Chia tai деп аталған компания елімізде былтыр жаздан бері жұмыс істеген. Бірақ заңды тұлға ретінде тіркелмеген. Аңғал жұрттан фармацевтикалық компанияның құрылысына және дәрі-дәрмек өндірісіне деп инвестиция ретінде ақша жинаған. Сөйтіп алдын ала ақпарат бойынша жалпы соммасы 7 миллиард теңгені жинап, қытайға қашып кеткен. Сан соғып қалғандардың көбі Алматы, Астана қалаларының және Қарағанды облысының тұрғындары. Қазір күдіктіге іздеу жарияланып, тергеу жүріп жатыр.

Досжан Маратұлы