Қылмыс жасайтындардың 80 пайызы жұмыссыздар

Қылмыс жасайтындардың 80 пайызы жұмыссыздар. Бұл туралы Әкімшілік полиция комитетінің өкілдері айтты. Жасөспірімдер арасында заң бұзушылықтың жартысына жуығын еш жерде жұмыс істемеген немесе оқымағандар жасайды. Ал адамның жеке басына қатысты қылмыстар көбіне мас күйінде жасалады. Биылғы үш айда отбасына зәбір көрсеткен 4 мыңнан астам азамат қамалып, 3 мыңға жуық адамға ескерту берілген. Ал 543 адам айыппұл арқалады. Мұндай агрессорларға қатысты 17 мыңнан астам әкімшілік хаттама сотқа жолданған. Тағы бір айта кетерлегі, отбасылық зорлық-зомбылық құрбандарының 60 пайызы полицияға шағым түсіруден бас тартады.

Серік Селеубай