Қызылордада пара алған бөлім басшысына 15 млн теңге айыппұл салынды

Қызылордада пара алған мемлекеттік қызметкер сот үкімімен 15 миллион теңге айыппұл арқалады.

Облыстық жолаушылар көлігі және автомобиль жолдары басқармасының бұрынғы бөлім басшысы 500 мың теңге пара алды деп айыпталған. Бұл ақшаны экс-шенді 2021-2022 жылдары жол жөндеу жұмыстарының орындалу актілеріне қол қойғаны үшін мердігер компаниядан алған. Жемқорлыққа барған басшы кінәсін мойындап, жазасы жеңілдетілді. Дегенмен сот шешіміне сәйкес, ол мемлекеттік қызмет атқару құқығынан өмір бойына айырылды.

Әділбек Серікұлы